رامى جمال يعلن اصابته بمرض البهاق ويفكر فى الاعتزال

رامى جمال يعلن إصابته بمرض البهاق ويفكر فى الاعتزال. أعلن المطرب رامى جمال إصابته بمرض البهاق وكتب رامى عبر حسابه الشخصى بموقع تبادل الصور والفيديوهات (انستجرام)قائلا :الحمد لله الذى احبنى فابتلانى وقدرنى على الصبر. من فتره ظهرت بقع بيضاء فى جسمى والكشف عرفت انه مرض البهاق وجربت أنواع علاج كتير ومافيش فايده وقال رامى :رضيت وسلمت أمرى لله علشان عرفت إن الزعل بيزوده وكفايه شغلانتى وصعوبتها والقلق الدائم من المستقبل وفعلا بقى بيزيد لدرجه لفتت نظر الناس اللى بقى يقولى هتتعامل ازاى وإنت فنان واللى يخاف يسلم واللى يسألني هو ده معدى أنا بقالى سنه فعلا لو عندى حفله او تصوير بتعب على ما أشوف طريقه أخفيه بيها لدرجه خلت ناس كتير تقولى شوف بيزنس تانى اعمله علشان الناس مش هاتتقبلك كده. فكرت فى كلامهم بصراحه ولقيت إن عندى حلين. يا فعلا شكرا لحد كده على الشغلانه دى رغم حبى ليها وعدم معرفتى بغيرها. يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظره إن شكله غريب. والحمد لله على نعمه الأهل لأنهم الوحيدين اللى بيقبلوا الواحد زى ما هو. والبهاق هو أحد الأمراض الجلديه المنتشره فى العالم. ويعرف بزوال اللون الطبيعى للجلد على شكل بقع بيضاء واضحه فى الجلد وقد يكون شاملا للجسم كله كما قد يكون فى مكان واحد وتتكون البقع التى تشكل مرض البهاق بسبب فقدان الخلايا الملونه التى تنتج ماده الميلانين والتى توجد بشكل اساسى وطبيعى فى الجلد. وتداول رواد مواقع التواصل الاجتماعى فى مصر تغريده المطرب رامى جمال بشكل واسع وكانت ردود الفعل حول ما اعلنه معبرين عن دعمهم للفنان رامى جمال.